Author Archives: Vigleik Brekke

Skogsvåg-elevar jobba med Astrup-bilete

I løpet av hausten har vi på 3. trinn på Skogsvåg skule jobba med kunstnaren Nikolai Astrup.

Vi har lært mykje om kunstnaren og livet hans på garden Sandalstrand i Jølster. Bileta hans er inspirerande og fargerike, elevane våre vart motiverte og jobba svært godt med oppgåva.

Biletet «Vårnatt og seljekall» var både mystisk og spennande, og dei fekk i oppgåve å laga sin eigen versjon av dette kunstbiletet. Vi jobba fagleg med pastellfargar, bakgrunn og forgrunn. Vi vart svært nøgde med resultat då alle var ferdige.

Kjersti S. Turøy og Eli Kallestad
kontaktlærar på 3. trinn Skogsvåg skule

Her er fleire bilete:

 

Blomvåg skule besøkte Ulveset skule

Den 13. desember besøkte 7 klasse på Blomvåg skule venskapsklasse på Ulveset skule (7. klasse).

Me reiste frå Blomvåg skule kl. 08.30 med minibuss. Då me kom til Ulveset tok dei godt i mot oss. Me gjekk saman til ein av uteplassane dei har rundt sin skule. Nokre elevar hadde gått i førevegen for å tenna opp bål. Elevane leika saman, både gøymespel og 50-leiken.

Me fekk servert cowboy-suppe, solbærtoddy og lussekatter. Det vart også etablert nokre venskap og utlevert nokre adresser for vidare kommunikasjon, veldig kjekt!!!

Me på Blomvåg skule vil takka Ulveset skule for ei fin stund saman, og for den gode måten dei tok i mot oss på og organiserte dagen på. Det hadde vore grådig fint om me fekk det til at dei kunne koma å besøka oss også;-)

Tekst og foto: Belinda Hellesund Tomic

Her er fleire bilete frå besøket:

Landro skule besøkte venskapsklasse på Brattholmen

Onsdag den 11. desember 2019 fekk 1a ved Brattholmen  skule fekk besøk av vennskapsklassen 1b frå Landro skule.

Både born og vaksne hadde sett fram til å møte dei nye venene. Gjestene fekk omvising på uteområdet. Borna kom fort i leik på «nye» leikeplassen utanfor skulen.

Borna vart deretter delt inn i grupper. Dei gjekk frå post til post for å løysa oppgåver knytt til den nye storkommunen.

Elevane hadde felles måltid i klasserommet. Her vart oppgåvene gjennomgått og elevane viste interesse for den nye kommunen.   Alle var einig i kva ein kommune var og kva for kommunevåpen den nye Øygarden kommune skulle ha.

Til slutt var det tid for leik i gymsalen. Då var det god stemning og stor aktivitet. Stikkball og bomba var veldig spanande. Så var det tid for å ta farvel med dei nye venene våre. Då var det ikkje fritt for at nokon måtte klemme kvarandre før gjestene måtte kle på seg og gå til bussen.

Vi gler oss til å treffast igjen i 2020. Får håpa kommunen har pengar til det!

Tekst og foto: Rannveig Lie Sætre

 

Brattholmen-klasse besøkte venskapsklasse på Spildepollen skule

Torsdag 5. desember var klasse 1 b på Brattholmen på besøk på Spildepollen skule. Vi vart tekne godt imot og vi hadde ein minnerik dag.

Slik opplevde vi dagen:

1b frå Brattholmen skule venter på bussen som kjem klokka 9.00

 

Bussen kjem og vi køyrer mot Sund kommune. Vi markerer dagens kommunegrense mellom Fjell og Sund kommune.

Venskapsklassen tar godt i mot oss på Spildepollen skule. Vi samla oss i amfiet. Kontaktlærar ved Spildepollen skule, Charlotte Hjørnevik presenterer planen for dagen – vi skal ha juleverkstad på tre ulike stasjonar.

Elevene set i gong produksjon av julepynt. På to stasjonar skal elevane lage julekort og julekuler.

På den tredje stasjonen skal elevane lage eit juletre med handavtrykka sine.

Vi tar matpause og ser julekalendaren frå Salaby saman. Vi drikk saft og et peparkaker.

Heilt til slutt syng vi Jul i svingen og Juletrall

1B på Brattholmen skule har hatt ein minnerik og fin dag i lag med venskapsklassen sin.

Tekst og foto: Anne Helen Dalen

Besøk til Bjorøy skule gav meirsmak

Klasse 3b på Ågotnes skule var på besøk til 3. klasse på Bjorøy skule fredag 12. desember. Vi hadde ein fantastisk kjekk dag! Fleire av elevane var på Bjorøy for første gong.

Elevane frå Ågotnes storkoste seg på Bjorøy skule.

 

Elevene storkoste seg gjennom heile dagen. Elevene syntest også det var stor stas å ta buss. Mange hadde aldri vore på Bjorøy før. Då vi kom Bjorøy, vart vi godt tekne imot av elevar frå 3. klasse som stod og venta på oss.

Elevane fekk omvising på skolen, og vi hadde kjekke aktivitetar i gymsalen saman. Elevane fra Ågotnes hadde med flotte kort som dei hadde laga til Bjorøy-elevane. Bjorøy-elevane hadde laga til ein deilig lunsj til oss. Dei hadde sjølv laga handleliste og vald nøye ut kva som skulle serverast. Eggerøre og nugatti blei favorittar! Maten smakte nydeleg!

Bjorøy skule diska opp med nydeleg lunsj.

Dei hadde også laga fine bordkort med helsing på og pynta langbordet med juletema. Ei mor hadde laga nydelege kanelbollar til heile gjengen! Elevane var begeistra på bussen heim og fortalde om nye venskap og bekjentskap frå Bjorøy. Vi gler oss til å skriva fleire brev til elevane på Bjorøy og håpar at vi kan invitera dei til skulen vår ved eit seinare høve.

Ingunn Marie Algrøy
lærar

Veneklassar frå Stranda skule og Brattholmen møtte kvarandre

I haust har tredjetrinnet på Stranda skule brevveksla med 3b på Brattholmen skule. Elevane har vore flittige og breva har gått fram og tilbake i fleire omgangar.

Det var stas for elevane på Brattholmen å reisa på besøk til Stranda.

Her har dei fortalt om seg sjølv og vore flinke til å stilla kvarandre spørsmål. Også bilete er sendt med breva, og i klasseromma har bilete av elevane i veneklassane hengt på veggen. Temaa har variert, og dei har fortalt om familie, interesser, skulekvardagen, fritida og feriar.

Elevane har talt ned til 12. desember, den dagen elevane endelig skulle få treffa veneklassen. Både Brattholmen-elevene og Stranda-elevene har gledd seg til dette møtet. Difor var det ein forventningsfull gjeng fra Brattholmen som sette seg i bussen i retning Stranda skule i Sund.

Vel fremme var det to spente klassar som møtte kvarandre i foajeen. Ein og ein elev frå Brattholmen blei lest opp og følgd av brevvennene sine til klasserommet. Her starta det med ulike spel, og elevene fant fort tonen. Etter ei god stund med spel og samtalar fekk elevane noko godt å eta og drikka.

Deretter bar det ut på det flotte uteområdet der dei fekk leika fritt i en times tid. Dagen blei avslutta med formingsaktivitetar og frileik og fotball i gymsalen. På vegeg ut fekk alle elevane på Brattholmen julekort frå elevane på Stranda.

Sjølv om det flotte møtet nå er over, held brevvekslinga fram. Og kven veit, kanskje kryssar barna vegane ein gong i fremtida i den nye kommunen?

Robert Hisdal
lærar

Her er fleire bilete frå besøket:

 

 

 

Stort engasjement i plantekappleiken

Det vart knivskarp konkurranse i plantekappleiken som vart avslutta den 29. november. På opningsfesten den 4. januar vert premiane delte ut. Vi har utfordra statsminister Erna Solberg til å stå for utdelinga.

Klasse 3b på Landro skule er godt nøgd med innsatsen.

På nettsida til Elev i Nye Øygarden går det fram kven som har kome best ut i konkurransen.
Ansvarleg for konkurransen, lærar på Tranevågen ungdomsskule, Andreas Furset, gler seg over det store engasjementet.

– Eg er imponert over elevane. Heilt frå den første veka var det tett kamp om teten, og det var konkurranse i toppen heilt til siste veka. Eg har fått nokre spørsmål om korleis ein har klart å få plantane til å vakse rasande fort dei første vekene. Eg håpar at nokre av klassane vil avsløra triksa sine for optimal plantevekst til den store opningsfesten, seier ein godt nøgd Andreas Furset.

Den 4. januar er det altså opningsfest for Øygarden kommune. Vi har bedt statsminister Erna Solberg å dela ut premiane for både plantekappleiken og trekkja ut vinnarar av dei klassane som har vore venskapsklassar. Dette skjer under den offisielle delen av opningsfesten i Sotra Arena frå klokka 13.00.

På opningsfesten skal prosjektet Elev i Nye Øygarden har eigen stand med informasjon om prosjektet og framsyning av elevarbeid. Her kan gjestene på festen kanskje få nokre gode tips om korleis dei skal få planter til å veksa godt.

Her er plakat for den som skjer i opningsveka mellom 1. januar og 5. januar.

Her er bilete frå plantekappleiken

Knivskarp plantekappleik

Konkurransen om å få erteblomsten til å veksa raskast og lengst skjerpar seg. Det er no knappe tre veker igjen før konkurransen vert avslutta.

Elevane i både 2a (biletet) og 3b viser stor engasjement i plantekappleiken.

 

Rundt 20 klassar deltek i konkurransen i regi av Elev i Nye Øygarden.

Vi tok turen innom Landro skule tidleg i denne veka. Både klasse 2a og klasse 3b deltek i konkurransen. I klasse 3b stod det tre planter i vindauget.

–  Vi tømte først jord i potta og la ertene i vatn ein dag før vil planta ertespira, fortel Sonja.

– Vi såg det tok til å spira etter fire –fem dagar, fortel Arian.

I klasse 2a på Landro skule er engasjementet stort, fortel lærar Anette Lynglund Kroken.

– Sidan konkurransen starta har engasjementet i 2a vore høgt! Både lærar og elevar har eit høgt konkurranseinstinkt, og går «all in» for å leggja til rette for gode vekstvilkår for planta. Vi har sanka gode (forhåpentlegvis) tips til korleis planta kan veksa og trivast. Nokre av tipsa vil vi ikkje heilt røpa, før konkurransen er over!:) Men vi kan meddela at t.o.m foreldre har kome på bana med tips/midlar for å ta best mogleg vare på planta. Så her er engasjementet stort. Kvar dag i lunsjen går vi inn på grafen for å sjå korleis planta vår ligg an i forhold til andre sine, seier Lynglund Kroken.

I forkant av pensum

Ho opplyser at elevane har ikkje lært kva centimeter er ennå (som pensum), men brukar no dette ordet flittig når dei skal skildra kor lang planta er i forhold til grafen. I starten var dette eit ukjent fenomen, no viser dei stor forståing ved at dei også kommentarar som «korleis kan ei plante starte på 10 centimeter, den må vel være 0 centimeter når den vart planta» osv..  På vekeplanen har dei også fått utdelt lenkja til grafen, slik at dei kan følgja med heime.

– Elevane er flinke til å minna læraren på å vatna planta flittig, dei brukar også å syngja til ho! Dei har allereie laga seg nokre tankar om kva dei vil bruka pengane på, dersom vi skulle være så heldig å vinna. Då er forslaga alt i frå badeland, spel til klassa, badebasseng på skulen, skuleballar etc. Planten har verkeleg bidrege til å skapa samhald via eit felles samarbeidsprosjekt! Dette er GØY! seier læraren.

Avsluttar konkurransen 30. november

Plantekappleiken starta den 15. oktober og vert avslutta den 30. november. Det starta med at  klassane la erter i vatn den første dagen før dei vart planta dagen etter, den 16. oktober. På nettsida til Elev i Nye Øygarden registrerer klassane veksten, og dermed kan alle følgja med korleis ein ligg an i konkurransen. På opningsfesten den 4. januar har vi bedt statsminister Erna Solberg om å dela ut premiane til dei tre beste klassane.

Henrik i 3b gjev vatnar planten.

Mor og far bryr seg meir om kommunesamanslåinga enn meg!

Den 1. januar vert dei tre kommunane Sund, Fjell og Øygarden slått saman Vi spurte elevane i 3b om kva dei dei tenkjer om at det vert ein ny kommune med namnet Øygarden.

– Kommunen vert større. Elles bryr eg meg ikkje så mykje. Mor og far bryr seg meir, seier ein av elevane.

Klasse 3b er mellom 70 klassar som har delteke i konkurransen om å «tippa» folketalet i den nye kommunen 1. januar.

– Me er spente på resultatet, seier elevane. Det offisielle folketalet ved nyårsskiftet er klart om lag den 20. februar når Statistisk sentralbyrå offentleggjer tala.

Her er fleire bilete frå Landro skule:

 

Statsministeren møtte engasjerte elevar på Brattholmen

Alle ville ha ein bit av statsminister Erna Solberg då ho besøkte klasse 3b på Brattholmen skule i dag . Ho tok seg tid til å dela klemmar til fleire av elevane.
– Eg maste mykje i timane som elev, måtte statsministeren vedgå.

Elevane skreiv brev til venskapsklassen på Stranda skule i Sund (3. kl.). Statsministeren fekk sjå kva dei hadde skrive til elevane dei skal verta kjende med. I bakgrunnen, rektor Anja Solli.

Bakgrunnen for besøket er prosjektet Elev i Nye Øygarden der elevane i dei tre kommunane er inviterte til å engasjera seg i bygginga av den nye kommunen. Det er utarbeidd undervisningsopplegg i fire fag, klassane kan etablera kontakt med andre elevar som venskapsklasse, og det er laga i stand spennande konkurransar.

– Kjære statsminister, velkomen til oss! Vi går frå tre til eín kommune, Nye Øygarden kommune, og det gler vi oss til, sa elevane i kor då Erna Solberg kom inn i klasserommet nokre minutt over klokka 13 i dag.

Før statsministeren hadde funne vegen til klasserommet, møtte ho politikarar og rektor ved inngangen. Ordførar Marianne Sandahl Bjorøy hadde på seg ordførarkjeda, og saman med varaordførar Tom Georg Indrevik og rektor Anja Solli vart statsministeren ønskt velkomen til Brattholmen skule.

Eitt av fleire tiltak i prosjektet er Plantekappleiken der klassane plantar ertespire og konkurrerer om kven som får plantene til å veksa best. Konkurransen startar denne veka med å leggja erter i vatn og så planta ertespira i jord.

– Vi håpar du er med å heiar på oss og ønskjer oss lukke til, sa Martine til statsministren . Erna fekk æra av å leggja erter i vatn som start på konkurransen som tek til for alvor om eit par dagar.

Erna Solberg tømde erter i skåla for å gjera dei klare for planting seinare i veka.

Lærar Robert Hisdal orienterte om korleis klassen arbeider med Elev i Nye Øygarden. Klassane kan nytta undervisningsopplegg, delta som venskapsklasse, delta i konkurransen Plantekappleiken og i konkurransen om å tippa folketalet i den nye kommunen den 1. januar. Robert orienterte også om korleis Brattholmen skule i fleire år gjennom Annleisveka har arbeidd med at Sund, Fjell og Øygarden kommunar skal verta eín kommune frå nyttår av. Mellom anna skal elevane plukka i favorittstaden sin i den nye kommunen.

– Min favorittplass er Liatårnet, sa ein av elevane.

–  Vi håpar du er med å heiar på oss og ønskjer oss lukke til, sa Martine til statsministren . Erna fekk æra av å leggja erter i vatn som start på konkurransen.

Lærar Robert Hisdal orienterte om korleis klassen arbeider med Elev i Nye Øygarden. Klassane kan nytta undervisningsopplegg, delta som venskapsklasse, delta i konkurransen Plantekappleiken og i konkurransen om å tippa folketalet i den nye kommunen den 1. januar. Robert orienterte også om korleis Brattholmen skule i fleire år gjennom Annleisveka har arbeidd med at Sund, Fjell og Øygarden kommunar skal verta eín kommune frå nyttår av. Mellom anna skal elevane plukka i favorittstaden sin i den nye kommunen.

– Min favorittplass er Liatårnet, sa ein av elevane.

Tankar om framtida

Alle skulane i dei tre kommunane er utfordra til å la eín elev halda eit innlegg/tale (Ted Talks). Elevane snakkar om framtida og eit bestemt tema. Pernille Sørensen i 6. trinn på Brattholme skule hadde trafikksikring som tema.

– Det er utrygt å gå langs vegen i Arefjord fordi det ikkje er lys i lyktestolpane, og det manglar fortau. Derfor startar vi no med skulepatrulje. I framtida håpar eg at vi kan koma trygt til skulen eller til Straume utan at foreldra treng køyra oss, sa Pernille i videoen som vart vist for statsministeren.

På Brattholmen skule har elevane i Bry deg-veka arbeidd med tema som omsorg, samarbeid, tolmod og hjelpsemd. Statsministeren vart utfordra på dette.

– Vi har ikkje alltid ein god dag, og det er viktig at vi ser kvarandre. Ved å snakka saman, jobba i grupper og samarbeida, kan vi læra av kvarandre, sa ho.

Det er stas å verta fotograferte saman med statsministeren og lokale politikarar.

 

Les heile artikkelen på nettsida til Nye Øygarden kommune.